Миний зүгээс танд санал болгож байгаа үндсэн мэдээлэл бол барилгын ханын дүүргэлт болон даацын полистиролбетон хөнгөн блокны тухай мэдээлэл юм. Манай зах зээл дээр ихэвчлэн хөнгөн блок, тоосго, мод төрөл бүрийн дулаалгат хавтан /сэндвич/ ашиглан барилгын хана босгож байна. Дулаан хадгалах чадвар, хэрэглээний талаасаа хөнгөн блок нь хамгийн тохиромжтой. Модон материал нь шаардлагатай дулаан хадгалах хэмжээний зузаантай хана барихад зардал өндөр, нэмэлт дулаалга шаарддаг бөгөөд хөнгөн блокны талаар мэдээлэл өгсөний дараа модон материал ашиглан ЭХХОС барих талаар саналаа хуваалацах болно. Ханын материалаас сонголт хийн ЭХХОС барихдаа анхаарах, мэдэж байх шаардлагатай хэд хэдэн ойлголт бий. Үүнд:
- Материалын хатуулаг чанар,нягтрал/бетон,тоосго/ ихсэх тутам дулаан хадгалах чадвар буурдаг ба барилгын суурьд өгөх нэгж талбайн жин нэмэгдэнэ.
- Материал нь чийг шингэээлт бага, сийрэг байх тутам /хөөсөнцөр, хөнгөн блок, мод/ дулаан хадгалах чадвар ихэсч барилгын суурьт өгөх ачаалал багасна.
ХӨНГӨН БЛОК - /хөнгөн гулдмай/
Хөнгөн блок нь сүвэрхэг бүтэцтэй нэгж талбайн жин, дулаан дамжуулалт багатай ханын дүүргэлтийн болон даацын материал. 1800кг/м.кубээс
бага жинтэй зуурмагыг хөнгөн зуурмаг гэнэ.
Хөнгөн блок нь зориулалтаасаа шалтгаалан:
- Даацын өндөр нягтралтай буюу дулаан хадгалах чадвар бага [600 кг/м.куб-с дээш]
- Дүүргэлтийн бага нягтралтай буюу дулаан хадгалах чадвар өндөр [250-500 кг/м.куб]
Дотор сүвэрхэг байдлаасаа шалтгаалан:
- Битүү сүвтэй хөнгөн блок
- Хөөсөнцөр термо блок
- Полистролбетон блок
- Пенобетон блок
- Задгай сүвтэй блок
- Шохойн блок, газоблок, керамзитблок гэх мэтээр ялгагдана.
Битүү сүвтэй блок нь савтай усанд живүүлж туршихад ус нэвчдэггүй, задгай сүвтэй блокыг усанд дүрэхэд дотор агаар нь шахагдан гарч ус нэвчин живдэг онцлогтой. Энд мөн ханын дулаалгын материалуудыг дээрхи байдлаар битүү задгай бүтэцтэй гэж ангилдаг гэдгийг дурдах нь зүйтэй болов уу. Энэ нь ямар материалаар ямар технологийн дагуу зөв дулаалга хийх вэ? гэдэгт хариулт болно.
Ханын материалын харьцуулсан үзүүлэлт
| Материал | Нягтрал кг/м.куб | Дулаан дамжуулах итгэлцүүр Вт/м (м*С) | Дулаан алдалт Вт/м.кв | Ханын зузаан R опр.= 3,15м | 1м.кв Ханын эзлэхүүн жин |
| Шавар тоосго | 1700 | 0,18 | 54 | 2,55 | 4337,55 |
| Нүхтэй шавар тоосго (нүхтэй 20%) | 1400 | 0,43 | 28,67 | 3,35 | 1896,3 |
| Цагаан тоосго | 1800 | 0,87 | 58 | 2,74 | 4932,9 |
| Автоклавын шохойн блок | 550 | 0,18 | 17,5 | 303,19 | |
| Керамзитобетон | 850 | 0,38 | 0,38 | 1,18 | 1004,06 |
| Мод | 500 | 0,15 | 0,15 | 0,47 | 236,25 |
| Полистиролбетон | 500 | 0,125 | 0,12 | 0,30 | 155 |
Битүү сүвтэй хөнгөн блок нь дулаан хадгалах чадвараараа шохойн блок болон тоосгоноос илүү давуу чанартай байдаг. Үйлдвэрлэгч болгон өөрсдийн бүтээгдэхүүний талаар мэдээлэл өгөхдөө тухайн бүтээгдэхүүнд байхгүй шинж чанарыг хүртэл бичиж иргэдийг төөрөгдөлд оруулдаг. Материал сонгохдоо анхаарах зүйл бол тухайн материалын лаборторийн дүгнэлтийг хуулж аван мэргэжлийн хүмүүст үзүүлж дүгнүүлэх хэрэгтэй. Миний зүгээс та бүхэнд полистиролбетон блокыг санал болгож байгаа бөгөөд тус блок нь MNS5771 2007 стандартын дагуу хийгддэг, өнөөгийн нөхцөлд манай улсын барилгын ханын материалын зах зээл дээр байгаа хамгийн дэвшилтэт материал юм. Полистиролбетоныг анх 1950-аад онд Германд хэрэглэж эхэлсэн бөгөөд одоо ОХУ болон Хятад зэрэг улсуудад блок хийх, хана шал дээвэр цутгахад өргөн ашиглаж байна.
Манай компани 60х24х36см стандарт хэмжээтэй полистролбетон хөнгөн блокыг MNS 5771 2007 стандартын дагуу даацын болон дүүргэлтийн зориулалтаар мөн дотор ханын 95х60х18 см,95х60х12 см хэмжээтэй хөнгөн блокыг захиалгаар үйлдвэрлэн нийлүүлж байна.
Доорхи хүснэгтээс 59х24х36 см стандарт хэмжээтэй хөнгөн блокоор дунджаар 2.5м өндөртөй хана босгоход шаардлагатай хөнгөн блокны дундаж хэмжээг харж болно.
Шаардлагатай блокны хэмжээ
| Торхны хэмжээ (метр) | Ханын хэмжээ (дундаж квадрат/метр) | 24см хана | 36см хана | ||
|---|---|---|---|---|---|
| ширхэг | куб/метр | ширхэг | куб/метр | ||
| 4x7 5x6 |
55 | 256 | 12,8 | 329 | 19,2 |
| 6x6 5x7 |
60 | 279 | 13,9 | 428 | 21,4 |
| 6x7 5x8 |
65 | 302 | 15,1 | 464 | 23,2 |
| 6x8 5x8 |
70 | 325 | 16,2 | 500 | 2,5 |
| 6x9 7x8 |
75 | 348 | 17,4 | 536 | 28,8 |
| 6x10 7x9 8x8 |
80 | 371 | 18,5 | 527 | 28,6 |
| 6x11 7x10 8x9 |
85 | 394 | 19,7 | 608 | 30,4 |
| 6x12 7x11 8x10 9x9 |
90 | 417 | 20,8 | 644 | 32,2 |
| 7x12 8x11 |
95 | 440 | 22 | 680 | 34 |
Полистролбетоныг хэрэглэх хүрээ
Полистирол бетон
Полистирол бетоныг анх 1951 онд Германы BASF компани үйлдвэрлэлд нэвтрүүлжээ. Барууны орнуудад 60 гаруй, ОХУ-д 20 гаруй жил барилгын салбарт энэ технологийг өргөн ашиглаж байна. Орчин үеийн цутгамал карказан барилгын ханын материалд тавьж байгаа дулаан хадгалалтын өндөр стандарт, нэгж талбайн жин, эрүүл ахуйн өндөр шаардлага нь полистролбетоныг өргөн хэрэглэхэд түлхэц болж байна. Барилгын ханын полистирол бетон нь хана дүүргэлтийн уламжлалт материал болох тоосго, блок, мод зэрэг материалаас дулаан техникийн үзүүлэлт, эрүүл ахуйн шаардлага хангасан, эдийн засгийн хувьд хэмнэлттэй зэрэг давуу чанаруудыг нэг дор агуулж чадсанаараа давуу талтай.
Сутайн Ач ХХК полистирол бетоныг MNS 5771- 2007 стандартын дагуу үйлдвэрлэн нийлүүлж байна. Манай Улсад батлагдсан стандартад зааснаар полистрол бетоныг барилгын ханын гулдмай, дээврийн болон шалны дулаалгын цутгалт хийхэд ашиглахыг зөвшөөрсөн бөгөөд стандартын дагуу хэрэглэх хүрээ нь:
MNS 5771 – 2007 B.Хавсралт
| Хэрэглэх хүрээ | Үзүүлэлтүүд | |
|---|---|---|
| Дундаж нягт | Шахалтын бат бэх | |
| Дулаан тусгаарлах хавтан | D150-D250 | M2-M3.5 |
| Дээвэр ба дээврийн хонгилын цутгамал дулаан тусгаарлалт | D150-D250 | M2-M3.5 |
| Гадна ханын гурван үет хавтгаалж, гулдмайн цутгамал дулаан тусгаарлалт | D200-D350 | M2.5-M5 |
| Худагт өргийн дулаан тусгаарлалт | D150-D250 | M2.5-M3.5 |
| Угсармал ба цутгамал хосолмол ханын хөндий эзлэхүүн | D250-D350 | M5, B0.5-B1.0 |
Цул гулдмай буюу цутгамал хана
|
||
| D250-D400 | M5, B0.5-B1.0 | |
| D350-D450 | B0.5-B1.0 | |
дээрхи мэдээллийг WWW.ESTANDARD.MN сайтнаас MNS:5771 дугаараар харж болно.
Полистиролбетон нь маш хөнгөн битүү сүвтэй бетоны төрөлд ордог бөмбөлгөн полистирол дүүргэгчтэй бетон. Бат бэх чанарыг нь хатаж бэхжсэн цементэн зуурмаг хангадаг.
| Материал | Үзүүлэлт | ||||
|---|---|---|---|---|---|
| Нягт кг/м*3 |
Дулаан дамжуулалт Вт/м*С |
Чийгшил % | Ханы R=3.15м | 1м*3 ханын эзлэхүүн жин | |
| Тоосго | 1700 | 0,81 | 12 | 2,5 | 2842 |
| Пено бетон | 500-600 | 0,16-0,19 | 14 | 0,5-0,6 | 546 |
| Хөнгөн бетон | 500-1200 | 0,23-0,52 | 18 | 0,7-1,6 | 600 |
| Мод | 500 | 0,14-0,18 | 20 | 0,45 | |
| Полистиролбетон | 250-400 | 0,075-0,10 | 4 | 0,24-0,32 | 300 |
Манай компани полистирол бетоныг ханын цул цутгалт ховилтой блок, шал, дээврийн хучилт, дулаалга хийхэд хэрэглэж байна.
Комментариев нет:
Отправить комментарий